اسلام آباد۔ 22 اکتوبر (اے پی پی) ایوان صدر نا جامع مسجد آن نماز جمعہ و خطبہ ءِ براہ راست نشر کننگا۔ صدر مملکت ڈاکٹر عارف علوی، اسلامی نظریاتی کونسل نا چیئرمین ڈاکٹر قبلہ ایاز و ایوان صدر نا کمامدار وعملہ جمعہ نا نماز ءِ خوانار۔ داوخت آ اسلامی نظریاتی کونسل نا چیئرمین ڈاکٹر قبلہ ایاز خطبہ تس۔ اوتینا خطبہ ٹی خواجہ اکرم صلی اللہ علیہ و آلہ وسلم نا سیرت و اسوہ حسنہ ءِ مون آتخا۔ اوپارے کہ ننا نبی خواجہ محمد صلی اللہ علیہ و آلہ وسلم زالبول و مسن تا حق ءِ ادا کننگ و اوفتا شرف نا عملی وڑاٹ درس ءِ تس و اوفتے راج اٹ باعزت و باوقار ءُ ہند اس تس۔ اوپارے کہ ننا خواجہ صلی اللہ علیہ و آلہ وسلم نا رغاموک آتے تینا زند اٹی تینا کننگ نا گرج ءِ۔ ڈاکٹر قبلہ ایاز پارے کہ زالبول آتا میراتی حق انا بابت اللہ تعالیٰ نا پیدوار پرمانک ءُ، پاکستان اٹ زالبول آتا حق انا رکھ انا کانود ساڑی ءِ، ننا زمواری ءِ کہ داکانود آتیا عملدرآمد نا بابت مخلوق اٹ شعور ودی کننگے۔ داوخت آ ملک و قوم انا سلامتی ، شونداری و شونہالی کن دعا کننگا۔
