اسلام آباد۔ 22 اکتوبر (اے پی پی) نیشنل کمانڈ اینڈ آپریشن سینٹر(این سی او سی) و سیکرٹری آرٹی اے جمعہ نادے آ ایم۔2 ٹول پلازہ اسلام آباد آ مسافر، چندی روٹ والا گاڈی تا ڈیور تا ویکسی نیشن نا بابت چیکنگ کریر۔ ٹیم ہمو چندی گاڈی تے کوزہ ٹی ہلک ہرافتے ٹی بیدس ویکسی نیشن ڈیور و سواری تے دریرہ۔ چیکنگ اٹی ہمو غٹ مسافر آتے سفر کننگ آن توننگاہرافک ویکسی نیشن کرفتویسر۔ داکان بیدس ہمو غٹ مسافر آتے اوفتے بس آتا کمک اٹ پدی بس اسٹینڈ آ گدریفنگا۔ ٹیمک موقع غا ساڑی ہموغٹ مسافر و ڈیور آتے کورونا غان بچفنگ کن کینسائینو ویکیسن نا سنگل شاٹ اس ہم خلکر۔ ایم۔2 ٹول پلازہ آ کوویڈ۔ 19 ایس او پی تا خلاف ورزی نا برخلاف سخت کارروائی کرسا تعلقدار کمامدارآک این سی او سی نا کنڈآن ویکسی نیشن پارت آتا خلاف ورزی آ کیہی ڈیور آتے دزگیر کننگا و اوفتا برخلاف ایف آئی آر ہم درج آن بیدس وفتے تھانہ غا دننگا۔
