اسلام آباد۔ 22 اکتوبر (اے پی پی) وزیر مملکت حوالکاری و شینکاری فرخ حبیب پارینے کہ وزیراعظم عمران خان نا کماشی ٹی ملکی زرگزران شونداری نا کنڈآ ہِننگ ءِ ، راستکی دادے کہ مالی سال انا اولیکو سہ ماہی ٹی درملکی ترسیلات زر 12.5 درسد ودکی اتون 8 ارب ڈالر، برآمد 38 درسد ودکی اتون 7 ارب ڈالر ئس، 30 سال آن پد وزیراعظم اس کشت وکشار آ چکار کرینے ہراڑآن پاکستان فوڈ سیکورٹی ٹی پلس مننگ والا ءِ۔ جمعہ نادے آ تینا ٹویٹ اٹی وزیر مملکت حوالکاری و شینکاری فرخ حبیب پارے کہ ایف بی آر اولیکو سہ مای ٹی 38 درسد ودکی اتون 1395 ارب نا خراج وصولی کرے۔ اوپارے کہ ٹیکسٹائل برآمد 28 درسد ودکی اتون 4.437 ارب ڈالر ئس۔ آئی ٹی نا برآمد آتے ٹی 42.7 درسد ودکی اتون 635 ملین ڈالر نا ودکی مسنے وخت اس کہ لارج اسکیل مینو فیکچرنگ اٹ جولائی اگست نا اولیکو 2 تُواٹی 7.5 درسد ودکی مس۔ اوپارے کہ خریف نا فصل آتیٹی بنائی حوال آتا رداٹ گنڈیری نا پیدوار اٹی 25 درسد ودکی، مکئی 18 درسد ودکی، کرپاس 60 درسد ودکی، برنج 18 درسد ودکی گمانی ءِ، انشاء اللہ خولم نا آخبت پیدوار اٹ ہم ریکارڈ ودکی مریک۔
