شہریارآفریدی نا کماشی ٹی پارلیمانی کشمیر کمیٹی نا ان کیمرہ دیوان 25 اکتوبر آمریک

اسلام آباد۔ 22 اکتوبر (اے پی پی) پارلیمانی کشمیر کمیٹی نا ان کیمرہ دیوان 25 اکتوبر آمریک۔ قومی اسمبلی سیکرٹریٹ نا رداٹ پارلیمانی کشمیر کمیٹی نا چیئرمین شہریارخان آفریدی نا کماشی ٹی دیوان داڑے پارلیمنٹ ہاؤس نا کمیٹی روم اٹی اڈ ہلیک۔ پارلیمانی کشمیر کمیٹی نا چیئرمین اقوام متحدہ نا جنرل اسمبلی نا 76 می سالانہ دیوان نا وخت آ نیویارک اٹی اقوام متحدہ نا عہدیدار و امریکہ ٹی رہینگوک آ کشمیر پردیسی تتون اوڑدہی و کشمیر نا ویل ءِ تالان کننگ کن کروک آ کوشست آتا بارواٹ دیوان اٹی بشخ ہلوک آتے حوال ایتک۔ پارلیمانی کمیٹی کشمیر نا دیوان ان کیمرہ مریک ہراٹی تدوک آ دیوان نا منٹ آتے پک و کمیٹی نا مسکوہی سلاہ و سوج آتیا عملدرآمد نا ہم جاچ ءِ ہلنگک۔ ایڈیشنل سیکرٹری وزارت خارجہ نا کنڈآن 27 اکتوبر آ تہار دے اڈتننگ کن پیشن نا ملک پاکستان مشن نا گام گیج آتا بابت حوال تننگک۔ وزیرخارجہ شاہ محمود قریشی و قومی سلامتی نا سلاہکار ڈاکٹر معید یوسف دیوان اٹی خاص سلہ غا بشخ ہلیک وخت اس کہ کمیٹی نا باسک آک و تعلقدار کمامدارآک ہم بشخ ہلیرہ۔