بیجنگ۔ 22 اکتوبر (اے پی پی) چین اٹی پاکستان نا سفارت خانہ ٹی عید میلاد النبی صلی اللہ علیہ وآلہ وسلم نا چرجوئی ٹی محفل میلاد اس اڈتننگا۔ چین اٹی پاکستانی سفارت خانہ ٹی محفل میلاد ءِ مذہبی جم و جوش اٹ اڈتننگا و دا چرجوئی ٹی اڈ ہلوک آ محفل میلاد اٹ نیویارک اٹ رہینگوک آ پنی آ پاکستانی مذہبی اسکالر غلام رسول ورچوئل گپ وتران اٹی سیرت النبی صلی اللہ علیہ آ لہ وسلم و عارضی دنیا، خواجہ محمدصلی اللہ علیہ و آلہ وسلم نا زند و غٹ مسلم امت کن اونا رغاموک آتے سرجمی اٹ مون آ تخا۔ داوخت آ چین اٹی پاکستان نا سفیر معین الحق سیرت النبی صلی اللہ علیہ و آلہ وسلم نا غٹ پہلو تے مو ن آتخسا پارے کہ خواجہ محمد صلی اللہ علیہ و آلہ وسلم نا رغاموک آک غٹ انسانیت کن پارت نا سرچشمہ ءُ و دا ننا مذہبی فرض ءِ کہ نن خواجہ محمد صلی اللہ علیہ و آلہ وسلم نا تروک آ رغاموک آتیاعمل کین ہراننے امن ، سگ ، انسانی حق انا رکھ و انسانیت تون مہرومریبت نا درس تسنے۔ جشن عید میلاد النبی صلی اللہ علیہ و آلہ وسلم نا چرجوئی ٹی بیجنگ اٹ پاکستان ویمن ایسوسی ایشن نا کنڈآن اسہ دود اس اڈ ہلک ہراٹی نعت رسول مقبول صلی اللہ علیہ و آلہ وسلم خواننگا و خواجہ محمد صلی اللہ علیہ آ لہ وسلم نا زند انا چندی پہلو تے مون آ تخنگا۔ دود اٹی پاکستانی سفارت خانہ نا آفیسر، عملہ، اوفتا خاہوت و پاکستانی کمیونٹی نا باسک آک بشخ ہلکر۔
