اسلام آباد۔ 22 اکتوبر(اے پی پی) بنجائی وزیر اقتصادی امور عمرایوب خان پارینے کہ مستین نا حکومت آک بھلو وام اس ہلکر ہرانا سوب آن وام و سود انا زرتس انا مد اٹی 9 ارب ڈالر اداکروئی تمک۔ جمعہ نا دے آقومی اسمبلی ٹی وقفہ سوج آتے ٹی مسرت رفیق مہیسر نا سوج انا ورندی ٹی اوپارے کہ مسکوہی حکومت 23.6 ارب ڈالر وام ہلک و اوفتیا زیان کننگا۔ داوام تیا سود انا زرتروئی تمنگ ءِ۔ سود و وام تا مد اٹی سالانہ 9 ارب ڈالر اداکروئی تمنگ ءِ۔ ہراتم مسلم لیگ ن نا حکومت چٹاتو اووخت آ زرمبادلہ ناکوڑی اِراہفتہ نا سلیسس۔ وزیر مملکت پارلیمانی امور علی محمد خان پارے کہ تدوک آ حکومت اسٹیٹ بینک آن وام ہلسا ڈالر نامقابلہ ٹی مصنوعی وڑاٹ روپئی نا قدر ءِ سوگو تخا۔ داپالیسی ءِ داسہ بدل کننگانے۔
