اسلام آباد۔ 22 اکتوبر (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ وزیراعظم عمران خان آئین وکانود نا رداٹ چندی علاقہ غاتے کن شونداری پیکج نا پڑو ءِ کرینے۔ جمعہ نادے آ قومی اسمبلی ٹی وقفہ سوج آتے ٹی پیپلزپارٹی نا قومی اسمبلی نا باسک شازیہ مری نا سوج انا ورندی ٹی ڈاکٹر بابراعوان پارے کہ ایوان اٹ غیرپارلیمانی لوز آتے بے گرج وڑٹ پاننگپ، غٹ انا عزت و شرف ارے۔ اوپارے کہ آئین نا آرٹیکل 19 نا ذیلی شق اسٹ نا رداٹ وزیراعظم تینا واکداری تے کاریم اٹ اتیک۔ وزیراعظم عمران خان آرٹیکل 38 نار داٹ کانود نا رداٹ شونداری پیکج آتا پڑو ءِ کرینے۔ اوپارے کہ وزیراعظم ہرانگیا کہ کاہک تعلقدار فریق آتا سلابت اٹ پی ایس ڈی پی نا رداٹ شونداری ڈٹ آتا پڑو ءِ کیک۔
