اقوام متحدہ۔ 22 اکتوبر (اے پی پی) اقوام متحدہ نا سیکرٹری جنرل انتونیوگوتریش پارینے کہ ننے زالبول و مسن تا حق انا مون آدننگ کن کوشست کننگ نا گرج ءِ۔ فرانسیسی خبررساں ادارہ نا رداٹ او تدوک آ دے اقوام متحدہ نا سلامتی کونسل اٹی پارے کہ زالبول آک تینا حق آن انکار ءِ اسُل امنا کپسہ و اوفتے کروئی ہم تمپ او جنگ آن زہمی ملک آتے ٹی مریر یا پین ملک اسے ٹی مریر۔ سیکرٹری جنرل پارے کہ ننے ہر زالبول و مسڑ نا حق انا مون آ دننگ کن کوشست کننگ نا گرج ءِ و دا چرجوئی ٹی نن ہمووخت آ کوشست کینہ ہراتم اسکان مسنک پدی اسکول آتیا ہنپسہ و زالبول آک ملازمت آتیا پدی و لس زند اٹی اوفتا بریبر اواری مفک۔