اسلام آباد۔ 21 اکتوبر (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ الس کن بناکروک آ پروگرام تیا پروپیگنڈا نابود آتا وطیرہ ءِ، مستین اٹ بیرہ تینا اثراٹ مافیاتے ٹارگٹڈ سبسڈی تننگا۔ پنچ شنبے نادے آ مریم اورنگزیب نا بیان آ ردعمل ظاہر کرسا اوپارے کہ میاں نروک غٹ تر مافیا تا سرغنہ ئس۔ اوپارے کہ نیزگار نا احساس نا سوب آن وزیراعظم الس کن ٹارگٹڈ سبسڈی نا پلان نا پڑو ءِ کرے۔ نیزگار تپہ نا احساس و آسانی ودی کننگ عمران خان نا مشن ءِ۔ اوپارے کہ یوٹیلیٹی اسٹورآتا کمک اٹ کم کٹیا کروک بندغ آتے ٹارگٹڈ سبسڈی تننگ اولیت ءِ۔ نابود درباری تا دا گام آ بے چینی دیدنی ءِ۔
