اسلام آباد۔ 21 اکتوبر (اے پی پی) وزیراعظم نا خصوصی کمکار امور نوجوانان عثمان ڈار پارینے کہ وزیراعظم عمران خان ملک انا ورناتے کسب نا طاقت اٹ شپ ہُننگ خواہک، مثبت نتیجہ غاتا دوئی کننگ کن یورپی یونین نا تیکنیکی کمک و راہشونی کمکار مریک۔ داخیال آتا درشانی ءِ او یورپی یونین نا سفیر اینڈرولا نا منیرا تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ اوڑدہی ٹی یورپی یونین نا سفیر ءِ ڈٹ انا مسہ بنداوی اولیت روزگار، تعلیم و تکنیکی تربیت آ حوال و لون اسکیم و کسبکار پاکستان پروگرام نا حساب وکتاب آن ہم معلومدار کننگا۔ داوخت آ یورپی یونین نا سفیر سرسہب ورنا پروگرام نا شفافیت و میرٹ آ پت انا درشانی ءِ کرے۔ داوخت آ عثمان ڈار پارے کہ سرسہب ورنا پروگرام وزیراعظم پاکستان نا است آن بھاز خڑک ءِ۔ اوڑدہی ٹی یورپی یونین نا سفیر اینڈرولاکامینرا پارے کہ یورپی یونین ٹیکنیکل و ووکشینل ایجوکیشن نا آب ءِ گچین کننگ اٹ لگوک ءِ۔ پاکستان تون اواری اٹ سرسہب ورنا پروگرام ءِ مون آ دننگ کن تیاراُن۔ اوپارے کہ پوسکن آ دور انا خواست آتا رداٹ ورناتے پین آسراتی تیان شپ کننگ کینہ۔ تین پہ تینی شریداری کن ہڑتوم آ کنڈآن تکنیکی ٹیمک اسہ ایلو تون سلابت کیرہ۔ اوپارے کہ بروک آ تُو اوڑدہی ٹی ممکنہ کمکاری آ سرجم روڈ میپ اس تیار کننگک۔
