اسلام آباد۔ 21 اکتوبر(اے پی پی) وزیراعظم نا سلاہکار واپار عبدالرزاق داؤد پارینے کہ اینخو مالی سال ستمبر اٹی براہ راست درملکی زرکاری (ایف ڈی آئی) ٹی 16 درسد نا ودکی مس۔ پنچ شنبے نادے آ اسہ بیان اسے ٹی او پارے کہ ستمبر 2021اٹی 236 ملین ڈالر نا براہ راست درملکی زرکاری مس وخت اس کہ تدوک آ سال انا ہندا مد ستمبر 2020اٹی کل براہ راست درملکی زرکاری 203 ملین ڈالر نا ئس۔ اوپارے کہ حکومت گمان تخک کہ چندی بشخ آتے ٹی بروک آ تُوتیٹی پین زرکاری بریک۔ زرکاری ٹی ودکی نا سوب آن پین ملازمت آتا وارخواہی ودی مریک۔
