اسلام آباد۔ 21 اکتوبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ ننے پاکستان انسٹی ٹیوٹ آف میڈیکل سائنسز(پمز) انا آب ءِ بڑز کروئی ءِ۔ لمہ و چنا نا جان جوڑی آن زیات اہم ہچ اس اف۔ داخیال آتا درشانی ءِ او پمز انا زچہ بچہ سینٹر نا انتہائی نگہداشت نا بشخ انا ودکی پلاٹ نا بنداو ءِ تخسا کرے۔ اوپارے کہ جاپانی سفیر نا پاکستان اٹ آخیریکو اسائنمنٹ ءِ ، جاپان و پاکستان نا 70 سال آن دوستانہ تعلقداری ءِ و نن مدام خنانن کہ حکومت جاپان ہندن ءُ پروگرام ایتک ہرا الس نا آسودہی کن مریرہ۔ اوپارے کہ ناگہانی آفت آتے کن جاپان نا خذمت آتے مچ آ دنیا امنا کرینے۔ اوپارے کہ پمز ہسپتال بنجائی دارالحکومت نا غٹ آن بھلا سرکاری ہسپتال ءِ و ننا بھلو است خواہی اسے کہ الس ءِ پمز ہسپتال اٹ درمان نا گچین آسراتی دوبرے۔ اوپارے کہ کنے اومیت ءِ کہ ہراتم جاپان نا سفیر دُوارہ پاکستان آ بریک تو داڑے بھلو و مثبت بدلی اس بریک۔
