کابل۔ 21 اکتوبر (اے پی پی) اوغان صوبہ بدخشان ٹی سڑک شکست اٹی 6 بندغ زوال کریر۔ چینی خبررساں ادارہ نا رداٹ صوبائی انتظامیہ نا اسہ عہدیدار قاری انعام اللہ انعامی پارے کہ اوغانستان نا قطبی صوبہ بدخشان ٹی گاڈی اسے نا تمنگ آن 6 مسافر زوال کریر و 4 ٹھپی مسر۔ عہدیدار نا رداٹ زالبول و چناتتون اوار کم و ود 12 بندغ یفتل پائین آ ہنارہ کہ اوفتا گاڈی صوبائی دارالحکومت فیض آباد شار آن پیشن تما ہراٹی زالبول و چناتتون اوار 6 مسافر زوال و ڈیور تون اوار 4 بندغ ٹھپی مسر۔ عہدیدار پارے کہ داشکست نا جاست وپاست نا بناءِ کننگانے۔
