اسلام آباد۔ 20 اکتوبر (اے پی پی) وزیراعظم عمران خان اشاعت اسلام و مسلمان تا نشاۃ ثانیہ غا جوڑ کروک آ ویڈیو نا ستاءِ کرینے۔ تینا اسہ ٹویٹ اسے ٹی وزیراعظم عمران خان گونڈ ءُ وخت اسے ٹی داویڈیو نا تیاری آ تینا ٹیم انا جوزہ و خواری نا ستاءِ کرے۔ ویڈیو ٹی عالم اسلام نا بناآن عروج و اونا زوال نا تاریخ ءِ نشان تننگانے۔ وزیراعظم داہیت آ زور شاغا کہ ننا ورناتے داویڈیو ءِ پہہ مننگ نا گرج ءِ۔ ویڈیو ٹی خواجہ نبی اکرم صلی اللہ علیہ و آلہ وسلم نا جوڑ کروک آ ریاست مدینہ، اسلامی راج انا اصول و مسلمان تا عروج و چندی بشخ آتے ٹی اونا خذمت آتے تالان کننگ تون نشاۃ ثانیہ کن گام گیج و زوال نا اسباب آتا ہم ذکر ءِ کننگانے۔ یات سلے کہ دا ویڈیو رحمت اللعالمین صلی اللہ علیہ و آلہ وسلم کانفرنس نا وخت آ نشان تننگا، داویڈیو نا کمک اٹ رحمت اللعالمین اتھارٹی نا جوڑ کننگ نا گرج و مسخت آتے ہم مون آ تخنگا۔
