فیصل آباد۔ 20 اکتوبر (اے پی پی) وزیر مملکت حوالکاری و شینکاری فرخ حبیب پارینے کہ خواجہ صلی اللہ علیہ و آلہ وسلم نن تون اوار قیامت اسکان بروک آ مسلمان تیکن کسرنا ڈیواءِ ، خواجہ صلی اللہ علیہ و آلہ وسلم نا پیروی ءِ کرسا نن دنیا و آخرت اٹ سرسہب مننگ کینہ، ربیع الاول نا برکت انگا تُو اٹی وزیراعظم عمران خان رحمتہ اللعالمین اتھارٹی نا جوڑ کننگ نا فیصلہ ءِ کرے، اونا مسخت پوسکن آ چین ءِ سیرت النبی صلی اللہ علیہ و آلہ وسلم تون گنڈنگ تخنگ نا ءِ، سیرت النبی صلی اللہ علیہ و آلہ وسلم ءِ باقاعدہ وڑاٹ نصاب آتا بشخ کننگانے، وزیراعظم عمران خان کوشست کرے کہ کس اس لنگڑ خاچپ ، رکھ انا جاگہ ، لنگر خانہ جوڑ کننگا، ہمووخت مر اف ہراتم پاکستان ہم ریاست مدینہ نا وڑانا ریاست اس مریک مخلوق نا حق انا رکھ پک مریک۔ او 12 ربیع الاول نا وخت آ کلاک ٹاور فیصل آباد اٹی جشن عید میلاد النبی صلی اللہ علیہ و آلہ وسلم نا دود آتیان تران کریکہ۔ فیصل آباد نا پارلیمنٹ نا باسک آک، پوریاگر برادری، شاری تا بھلو کچ اس ہم داوخت آ ساڑی ئسر۔ وزیر مملکت پارے کہ اہلیان اسلام ءِ جشن عید میلاد النبی صلی اللہ علیہ و آلہ وسلم آ مبارکبادی ایتیوہ، خواجہ صلی اللہ علیہ و آلہ وسلم ءِ اللہ تعالیٰ غٹ جہان تیکن رحمت اللعالمین کرسا گدریفینے، مچ آ دنیا ٹی یک ونیم ارب آن زیات مسلمان ءُ ہرا خواجہ صلی اللہ علیہ و آلہ وسلم نا پیروی ءِ کیرہ۔ اوپارے کہ اینو نا دے نن دا قول ءِ کین کہ خواجہ صلی اللہ علیہ و آلہ وسلم نا سیرت آ چلینگسا نن تینا زند و آخرت ءِ جوڑ کین۔ داڑآن ہچ ءُ بھلو نعمت اس مننگ کپک کہ نن خواجہ محمد صلی اللہ علیہ و آلہ وسلم نا امتی اُن، خواجہ صلی اللہ علیہ و آلہ وسلم ریاست مدینہ نا نظام ءِ قائم کرے ہرانزور تپہ غاتا حق و انصاف نا بنداو آ آسودہی ریاست اس جوڑ مس۔ اوپارے کہ وزیراعظم عمران خان نا پارت آ 3آن 13 ربیع الاول عشرہ رحمت اللعالمین ءِ سرکاری کہول آ اڈتننگ انگ ءِ، مچ آ ملک اٹی دابابت دود اڈتننگ انگ ءِ، الس نا جوش و جوزہ ہُننگ نا ءِ۔ وزیر مملکت فرخ حبیب پارے کہ ننے خواجہ صلی اللہ علیہ و آلہ وسلم نا اسوہ حسنہ غان سبخ اس ہلوئی ءِ کہ خواجہ ہراوڑ تعلیم، چوری و مسکین تا حق اکن کاریم کرے۔ اوپارے کہ ربیع الاول نا برکت انگا تُو اٹی وزیراعظم عمران خان رحمت اللعالمین اتھارٹی نا جوڑ کننگ نا فیصلہ ءِ کرے ، اونا مسخت پوسکن آ چین ءِ سیرت النبی صلی اللہ علیہ و آلہ وسلم تون گنڈنگ تخنگ نا ءِ، سیرت النبی صلی اللہ علیہ و آلہ وسلم ءِ باقاعدہ وڑاٹ نصاب آتا بشخ جوڑ کننگانے، ننے پاکستان ءِ ہم ریاست مدینہ نا وڑانا ریاست اس جوڑ کروئی ءِ ہراکہ وزیراعظم عمران خان نا تغ ہم ارے۔ اوپارے کہ وزیراعظم عمران خان کوشست کرے کہ کس اس لنگڑ خاچپ، رکھ انا جاگہ، لنگرخانہ جوڑ کننگا، اگہ ننے داوطن عزیز ءِ شونداری نا کنڈآ دروئی ءِ تو ننے خواجہ پاک صلی اللہ علیہ و آلہ وسلم نا رغاموک آ تیا عمل کروئی مریک، ہمووخت مر اف ہراتم پاکستان ہم ریاست مدینہ وڑانا ریاست اس مریک ہرا مخلوق نا حق انا رکھ ءِ پک کیک۔
