خواجہ صلی اللہ علیہ و آلہ وسلم نا حیات طیبہ نا پیروی ءِ کننگ دنیا و آخرت نا سرسہبی نا ضامن ءِ، وزیر خارجہ مخدوم شاہ محمود قریشی

ملتان۔ 20 اکتوبر (اے پی پی) وزیرخارجہ مخدوم شاہ محمود قریشی پارے کہ خواجہ صلی اللہ علیہ و آلہ وسلم نا حیات طیبہ نا پیروی ءِ کننگ دنیا و آخرت نا سرسہبی نا ضامن ءِ۔ الس جشنِ عید میلادالنبی صلی اللہ علیہ و آلہ وسلم نا دود آتے ٹی مذہبی جم و جوش اٹ بشخ ہلنگ ءُ۔ اوپارے کہ گڑاس واکدار پاکستان اٹی ہڑدڑ و بے چیٹی خوارہ ولے اوفتا عزم پورو مفک۔ داخیال آتا درشانی ءِ او ملتان اٹی عید میلاد النبی صلی اللہ علیہ و آلہ وسلم نا جلوس نا وخت آ میڈیا تون گپ وتران کرسا کرے۔ اوپارے کہ دامبارک دے اٹی اللہ تعالیٰ آن دعا کیوہ کہ او پاکستان ءِ تہہ و پیشن نا خطرہ غاتیان رکھے۔ شاہ محمود قریشی پارے کہ عید میلادالنبی صلی اللہ علیہ و آلہ وسلم نا وخت آ مچ آ ملک آن شاریک خواجہ صلی اللہ علیہ و آلہ وسلم تون تینا مہرومریبت عقیدت نا پبی درشانی ءِ کننگ ءُ۔ اوپارے کہ ای دعاکیوہ کہ رب العالمین اوفتا عقیدہ ءِ قبول ، پاکستان ءِ شونہالی، شونداری و سوگوی نصیب کے۔