کوئٹہ۔ 20 اکتوبر (اے پی پی) گورنر بلوچستان سید ظہور احمد آغا پارینے کہ ساڑی حکومت پولیس محکمہ ءِ پوسکن آ وڑوڈول آتیا استوار کننگ و پولیس نظام اٹ گچینی اتنگ کن سنبرینگوک ءِ، الس نا جان و مال انا رکھ حکومت نا اولین زمواری ءِ ہراٹی محکمہ پولیس نا کڑد بھاز اہم ءِ، دہشت گردی نا چٹفنگ و ڈوہدار زموار آتا برخلاف جنگ اٹ پوسکن آ ٹیکنالوجی آن فائدہ ہرفنگ المی ءِ۔ داخیال آتا درشانی ءِ او کوئٹہ نا مطالعاتی دورہ غا بروک آ نیشنل پولیس اکیڈمی اسلام آباد نا زیر تربیت پولیس آفیسر آتا اوڑدہی ٹی گپ وتران کرسا کرے۔ ڈی آئی جی بابر سرفراز نیشنل پولیس اکیڈمی اسلام آباد نا زیر تربیت پولیس آفیسر آتا کماشی ءِ کریکہ گورنر بلوچستان سید ظہور احمد آغا اے ایس پی تے کسبی ٹریننگ نا پوروی و تینا منصب ءِ سنبھالنگ آ مبارکبادی تس ۔ اوپارے کہ ادارہ و کانود الس نا راجی آسراتی کن جوڑمریک، ہنداخاطرآن نم ہم خذمت ناجوزہ غان سرشار مرسا دیانتداری اٹ تینا فرض ءِ سرایتر۔ گورنر بلوچستان مستی پارے کہ محکمہ پولیس نا کنڈآن ڈیٹا سسٹم نا رداٹ ڈوہدار و ڈوہ انا مچ آ ڈیٹاءِ ریکارڈ کننگ جوان ءُ گام اسے۔ گورنر بلوچستان پارے کہ پوسکن آ پولیسنگ و پبلک سروسءِ پک کننگ کن ننے تینا تفتیش نا نظام ءِ سوگو کروئی مریک، خوداحتسابی و انفرادی کڑد آن ہم راج اٹ ڈوہ و برائی تے چٹفنگ مریک۔ اوپارے کہ مرغن سیم تیان پد ہم ملک و صوبہ ٹی امن و ایمنی نا بابت کانود نافذ کروک آ ادارہ غاتا خذمت و قربانیک ستاکڑزرہ، داوخت آ اسپیشل ہوم سیکرٹری ولی محمد بڑیچ و ایس ایس پی عمرریاض ئسک ہم ساڑی ئسر۔
