اسلام آباد۔ 20 اکتوبر (اے پی پی) بنجائی وزیر داخلہ شیخ رشید احمد پاکستان اٹ پترینگ انگ نا کوشست کروک آ بھارتی آبدوز نا پیشگی پدرند ءِ خلنگ آ پاک بحریہ ءِ سلام پیش کرسا پاک بحریہ نا کسبی لائخی تے خراج تحسین پیش کرینے۔ سے شنبے نادے آ تینا اسہ بیان اسے ٹی وزیر داخلہ پارے کہ پاکستانی دنگ اٹ پترینگ انگ نا کوشست کروک آ بھارتی آبدوز نا پدرند ءِ خلنگ آ پاک بحریہ ءِ سلام پیش کیوہ۔ اوپارے کہ ملکی دفاع ٹی پاک بحریہ نا کسبی لائخی تا مہالو آن بھاز معترف اُٹ، ہندا تُو آبدوز ’’حمزہ‘‘ نا دورہ غان پاک بحریہ نا لائخی تیا کنا یخین پین پکا مسنے۔ وزیر داخلہ پارے کہ بھارت شاید گیرام کریسس کہ پاک بحریہ ہم ایلو فورس آتیانبار ہروخت تیار و چوکس ءِ، دنیا بھارت نا پاکستان مخالف جارحیت نا نوٹس ءِ ہلے۔
