خواجہ صلی اللہ علیہ و آلہ وسلم جان جوڑ راج اسےنا ٹہیفنگ کن اسہ پورو ءُ ضابطہ اخلاق اس تس، اسپیکر قومی اسمبلی قاسم خان سوری نا جشن عید میلاد النبی صلی اللہ علیہ و آلہ وسلم آ کلہو

اسلام آباد۔ 20 اکتوبر (اے پی پی) ڈپٹی اسپیکر قومی اسمبلی قاسم خان سوری پارینے کہ خواجہ صلی اللہ علیہ و آلہ وسلم بے کچ بڑزکو اخلاق و اوصاف نا مالک ئس، خواجہ صلی اللہ علیہ و آلہ وسلم جان جوڑ راج اسےنا ٹہیفنگ کن اسہ پورو ءُ ضابطہ اخلاق اس تس۔ او جشن عید میلا د النبی صلی اللہ علیہ و آلہ وسلم نا وخت آ تینا کلہو اٹی پارے کہ خواجہ صلی اللہ علیہ و آلہ وسلم پاکیزہ سیرت و ذاتی عمل اٹ بھاز چنکو وخت اسے ٹی مخلوق نا زند اٹی بدلی اتسا دنیا ٹی اسہ انقلاب اس برپاکرےو جان جوڑ راج اسے نا ٹہیفنگ کن اسہ پورو ءُ ضابطہ اخلاق اس تس۔ قاسم خان سوری پارے کہ وزیراعظم عمران خان نا کنڈآن رحمت اللعالمین اتھارٹی نا قیام بھاز اہم ءُ گام اسے ہرانا سوب آن ورناچین ءِ سیرت خاتم النبین خواجہ محمد صلی اللہ علیہ و آلہ وسلم نا اسلوب ءِ پہہ مننگ اٹ کمک رسینگک۔