اسلام آباد۔ 20 اکتوبر (اے پی پی) مچ آ دنیا نا چندی دارالحکومت آتے ٹی واقع پاکستانی سفارت خانہ غاتے ٹی عید میلاد النبی (صلی اللہ علیہ و آلہ وسلم) ءِ بے کچ شان و شرف اٹ اڈتننگا۔ سرجم حوال آتا رداٹ سے شنبے نادے آ تنزانیہ، کینیڈا، ہانگ کانگ، ویت نام، ڈنمارک، کرغزستان، جاپان، مصر، بھارت، چین، فرانس و اٹلی ٹی پاکستانی سفارت خانہ غاتے ٹی میلاد النبی صلی اللہ علیہ و آلہ وسلم نا بابت دود اڈتننگا۔ میلاد مصطفی ٰ صلی اللہ علیہ و آلہ وسلم نا دا محفل آتیٹی سفیر و ایلو ترانکارآتا کنڈآن پیغمبر اسلام خواجہ محمد صلی اللہ علیہ و آلہ وسلم نا زند انا چندی پہلو تے مون آ تخنگا و بارگاہ رسالت صلی اللہ علیہ و آلہ وسلم اٹی نعت آتا ہدیہ اس ہم پیش کننگا۔ محفل میلاد مصطفی صلی اللہ علیہ و آلہ وسلم نا دادود آتے ٹی پاکستان و امت مسلمہ نا ایلو ملک آتون اوار مچ آ دنیا نا سلامتی کن خصوصی دعاہم ہم کننگا۔ 12 ربیع الاول نا دے ءِ خواجہ نبی کریم صلی اللہ علیہ و آلہ وسلم نا یوم ولادت نا وڑاٹ اڈتننگک ہرا رحمت اللعالمین ءِ و خواجہ صلی اللہ علیہ و آلہ وسلم نا زند و رغاموک آک مچ آ انسانیت کن کسر نا ڈیواءُ۔
