اسلام آباد۔ 20 اکتوبر (اے پی پی) سیکرٹری حوالکاری و شینکاری شاہیرہ شاہد پارینے کہ خواجہ صلی اللہ علیہ و آلہ وسلم نا رغاموک آتیا عمل سرسہبی نا کنجی ءِ۔ عید میلاد النبی صلی اللہ علیہ و آلہ وسلم نا بابت تینا کلہواٹی سیکرٹری حوالکاری و شینکاری شاہیرہ شاہد پارے کہ خواجہ نبی آخرالزمان صلی اللہ علیہ و آلہ وسلم نا زند ہرمسلمان کن رول ماڈل اسے و اونا رغاموک آتیا عملدرآمد دنیا و آخرت نا کنجی ءِ۔ اوپارے کہ 12 ربیع الاول نا دے امت مسلمہ کن اسہ خاص ءُ دے اسے انتئے کہ دادے آ خواجہ محمد صلی اللہ علیہ و آلہ وسلم دنیا ٹی بس۔ شاہیرہ شاہد پارے کہ نن تینا ورنا چین تے پان کہ اسلام نا تبلیغ اٹی خواجہ نبی کریم صلی اللہ علیہ و آلہ وسلم اخس مشکل آتون مون تس و اونا زند انا طرز انت ئس۔ اوپارے کہ نن تینا ورناتے پان کہ خواجہ محمد صلی اللہ علیہ و آلہ وسلم نا رغاموک آ تیا عملدرآمد کرسا نن تینا زند اٹی امر گچینی اتنگ کینہ۔ اونا پاننگ ئس کہ نبی آخرالزمان صلی اللہ علیہ و آلہ وسلم نا رغاموک آتے مچ آ سال یات تخنگے و اوفتیا عملدرآمد کننگے۔
