اسلام آباد۔ 20 اکتوبر (اے پی پی) وزیراعظم نا نمائندہ خصوصی بین المذاہب ہم آہنگی علامہ حافظ طاہر محمود اشرفی پارینے کہ پاکستان و امت مسلمہ ءِ مون تروک غٹ ویل آتا ایسر ءِ سیرت مصطفیٰ صلی اللہ علیہ و آلہ وسلم ءِ مون آ تخسا کشنگ مریک،وزیراعظم عمران خان پاکستان ءِ مدینہ منورہ نا وڑانا آسودہی ریاست اس جوڑ کننگ کن کوشست کننگءِ تانکہ ملک اٹی نزور و واکدار کن اسٹ کانود مرے، وزیراعظم عمران خان دا بابت موذن نا کڑد ءِ ادا کننگ ءِ، غٹ سیاسی جماعت آتے مرے کہ او وزیراعظم ناہیت آ ملنڈ کننگ نا جاگہ غا دامشن اٹ اوڑتون تفر۔ سے شنبے ناد ے آ نجی ٹی وی چینل نا پروگرام اٹی گپ وتران کرسا اوپارے کہ وزیراعظم پاکستان عمران خان نا رحمتہ اللعالمین صلی اللہ علیہ و آلہ وسلم اتھارٹی اس جوڑ کننگ نا فیصلہ ستاکڑزک، دا اتھارٹی قیام پاکستان تون بایدے جوڑ مروسس انتئے کہ پاکسان ہندا مسخت کن جوڑ مسوسس کہ ملک اٹی محمد صلی اللہ علیہ و آلہ وسلم نا کنڈآن اتوک آ نظام ءِ نافذ کننگے ولے بدبختی اٹ داوڑمتو ولے داسہ وزیراعظم عمران خان دانا بنداو ءِ تخانے و اگہ پاکستان ہنداکنڈآ ہنسا کرے تو بروک آ چین تے سیرت مصطفیٰ و اونا رغاموک آتیا راہشونی ملک۔
