ابوجا۔ 20 اکتوبر (اے پی پی) نائیجیریا نا قطبی دیکی ریاست کدونا ٹی فوج و سیکورٹی فورس آتا اسیجائی کارروائی ٹی 50 آن زیات سلہہ بند بندغ آک زوال کرینو۔ چینی خبررساں ادارہ نائیجیریا نا داخلی وسلامتی و داخلی امور نا کمشنر سیموئیل ارووان نا بابت پارے کہ تدوک آ دے ریاست کدونا نا برنین گواری لوکل گورنمنٹ ایریاٹی فوج و سیکورٹی فورس آک اسیجائی کارروائی کریر ہراٹی ڈغاری و فضائی جلہو آتے ٹی 50 آن زیات سلہہ بند بندغ آتے خلکونو۔ اوپارے کہ نائیجریا نا فضائیہ نا کنڈآن تروک آ فضائی کمک آن زمینی فوج داڑیل آتا پڑک آتون جھیڑہ غاتے ٹی 50 آن زیات سلہہ بند بندغ آتے ہلاک کرینو۔ رپورٹ نا رداٹ نائیجریا ٹی ساڑی آ تُوتیٹی سلہہ بند بندغ آتا جلہو آتا چرجوئی برجاءِ ہرانا نتیجہ ٹی ہزار آ بندغ آک زوال کرینو و ہزار آتا کچ اٹی بندغ آتے برمتہ کننگانے۔
