کوئٹہ۔ 20 اکتوبر (اے پی پی) بلوچستان صرافہ ایسوسی ایشن نا چیئرمین سردار جبار خان خلجی، سرپرست اعلیٰ حاجی علی احمد صراف، صدر عبدالہادی صراف، سینئر نائب صدر میر ندیم شاہوانی صراف، جنرل سیکرٹری علی رضا صراف، پریس سیکرٹری صاحبزادہ صراف و ایلوفک پارینوکہ خواجہ نبی اکرم صلی اللہ علیہ و آلہ اوسلم نا زند مچ آ انسانیت کن کسرنا ڈیواءِ ننے تینا زند ءِ اسوہ حسنہ نا رداٹ تیر کننگ نا قول کروئی مریک، 12 ربیع الاول نا جلوس نا وخت آفول پروف سیکورٹی بست وبند کننگ آ ایف سی، پولیس وایلو کانود نافذ کروک آ ادارہ غاک مبارکباد نا حقدار ءُ۔ داڑے جاری مروک اسہ اسیجائی بیان اسے ٹی اوفک پاریر کہ خواجہ نبی آخرالزمان صلی اللہ علیہ و آلہ اوسلم نا زند ہر مسلمان کن رول ماڈل اسے و اونا تعلیمات آتیا عملدرآمد دنیا وآخرت نا کنجی ءِ۔ اوفک پاریر کہ 12 ربیع الاول نا دے امت مسلمہ کن اسہ خاص ءُ دے اسے انتئے کہ دادے آ خواجہ محمد صلی اللہ علیہ و آلہ اوسلم دنیا ٹی بس، نن تینا ورناچین ءِ پان کہ اسلام نا تبلیغ اٹی خواجہ نبی کریم صلی اللہ علیہ و آلہ اوسلم اخس مشکل آتون مون تس و اونا طرز زند انت ئس۔ اوفک پاریر کہ نن خواجہ محمد صلی اللہ علیہ و آلہ اوسلم نا رغاموک آتیا عملدرآمد کرسا نن تینا زنداٹی گچینی اتنگ کینہ۔ اوفک 12 ربیع الاول نا وخت آ کشوک آ جلوس آتے فول پروف سیکورٹی فراوان کننگ آ ایف سی، پولیس، ضلعی انتظامیہ و ایلو ادارہ غاتے مبارکبادی ترسا پاریر کہ اوفتا خواری نا سوب 12 ربیع الاول نا جلوس پرامن چاگڑد اٹ اڈتننگا۔
