قاہرہ۔19اکتوبر (اے پی پی):مصر ءِ دارالحکومت قاہرہ ءَ پاکستان ءِ سفارتخانہ ءَ عید میلاد النبی ﷺ ءِ موہ ءَ محفل میلاد ءِ بندات کنگ بوت، عید میلاد النبی ﷺ ءَ را گوں جوش ءُ جوزگ ءِ گوما برجم دارگ ءِ واستہ سئے شمبے ءَ 12 ربیع الاول ءَ پاکستانی سفارتخانہ ءِ چانسری ءَ محفل ءِ میلاد برجم دارگ بوت،
قاہرہ ءَ چہ رستگیں ھال آنی رد ءَ اے موہ ءِ سر ءَ جامعہ الازہری ءُ پاکستان انٹرنیشنل سکول قاہرہ ءِ نودربر آں قرآن پاک ءِ تلاوت کت، نعت ءُ قصیدہ ونت۔
محفل میلاد ءَ گوں گشتانک دیان ءَ پاکستان ءِ سفیر ساجد بلال ءَ سیرت النبی ﷺ ءِ جوانیں بھر آنی سر ءَ چمشانک دات ءُ اے گپ ءِ سر ءَ زور پر دات کہ نبی کریم ﷺ ءِ زندمان بنی آدم ءِ ھمک تک ءُ پھنات ءَ گوں سیادی داروکیں مردم آنی واستہ یک مادنیں کشک ات۔ مراگش ءَ پاکستانی سفارتخانہ ءِ کارندہ آںی گوما آوانی گس ءُ ھاندان ءِ مردم آں ابید ایندگر پاکستانی باسک ءُ مصری شہری آنی مزنیں کساسے ءَ بھر زوی کت۔
