اسلام آباد۔18اکتوبر (اے پی پی):وزیر ءِ تہی کار شیخ رشید احمد ءَ گوشت کہ اپوزیشن جاک ءُ کوکار ءِ مٹ ءَ ملک ءُ راج ءِ سر ءَ رحم بکنت، گران بہائی ءَ را زوت گر ءُ دار کنگ بیت، مریم نواز ءِ نیمگ ءَ چہ شرپ مندیں ادارگ آںی سر ءَ چار راھ ءُ کشک آنی سر ءَ بھتام بندگ بوھگ ءَ انت، ایشی باز ٹوھیں رند پد سہرا بیت، آ وتی واستہ کنڈ ءِ جنگ ءَ انت، نوں ویزہ آن لائن بوتگ، ڈاکٹر عبدالقدیر خان ءِ مزار ءَ را آئی جنکیں زھگ ءِ نیمگ ءَ چہ داتگیں نکشہ ءِ رد ءَ جوڑ کنگ بیت۔ دو شمبے ءَ ادا پریس کانفرنس ءَ گوں گشتانک دیان ءَ کت کہ وزیر ءِ تہی کار ءَ گوشت کہ عیدملاد النبی ﷺ ءِ موہ ءَ جوانیں انتظامی بست ءُ بند کنگ بوتگ، 120 کلومیٹر ءَ تاں لیٹ ءُ مرچُک روچ کنگ بوتگ۔ سی ڈی اے ءَ را پنت ءُ شون کنگ بوتگ کہ ڈاکٹر عبدالقدیر خان ءِ مزار ءَ را آئی جنکیں زھگ ءِ نیمگ ءَ چہ داتگیں نکشہ ءِ وڑ ءَ جوڑ کنگ بہ بیت۔
