اسلام آباد۔ 18 اکتوبر (اے پی پی) بنجائی وزیر حوالکاری و شینکاری چوہدری فواد حسین پنی آ شاعر، صحافی و کالم نگار ڈاکٹر اجمل نیازی نا کزیت آ است ہسونی نا درشانی ءِ کرینے۔ دوشنبے نادے آ تینا ہڑزخواہی بیان اٹی بنجائی وزیر حوالکاری پارے کہ ایماندار نئے بیرہ تعلیم نا بشخ اٹی خذمت سرتس بلکن او صحافت کون آ عظیم بشخ اتون وابستہ ئس، ڈاکٹر اجمل نیازی ایماندار اردو و پنجابی شاعری تون اوار اوار 45 سال اسکان ادب نا خذمت اٹ گدریفے۔ چوہدری فواد حسین پارے کہ ہڑدے ئی نوائے وقت اٹی ’’بے نیازیاں‘‘ نا سرحال آن ایماندار اجمل نیازی نا کالم مخلوق اٹ بے حد پنی ئس، اونا کزیت آن شعبہ صحافت، شعبہ تعلیم و ادب نا پڑاٹ ودی مروک آ خورکی اسُل پُرمفک۔ بنجائی وزیر حوالکاری دعاکرے کہ اللہ تعالیٰ ایماندار ءِ جنت الفردوس اٹ جاگہ و خاہوت ءِ صبر کننگ نا توفیق ایتے۔ آمین
