اسلام آباد۔ 18 اکتوبر (اے پی پی) صدر مملکت ڈاکٹر عارف علوی پنی آ کالم نگار، صحافی و ادیب ڈاکٹر محمد اجمل نیازی نا کزیت آ است ہسونی نا درشانی ءِ کرینے۔ دوشنبے نادے آ تینا ہڑزخواہی بیان اٹی او پارے کہ پنی آ کالم نگار، صحافی و ادیب، ڈاکٹر محمد اجمل نیازی نا کزیت نا بنگٹ است ہسون مس۔ اللہ ایماندار ءِ جنت اٹ جاگہ ایتے۔ ایماندار پاکستان نا ادب و صحافت نا بشخ اٹی نمان ہند اس تخوک آ شخصیت اس ئس۔ صدر مملکت پارے کہ ایماندار چندی بشخ آتے ٹی خذمت سرتس۔ اللہ اونا خاہوت ءِ صبر و جمیل عطاکے۔
