اسلام آباد۔17اکتوبر (اے پی پی): محمد صلی اللہ علیہ وسلم ءِ ودی بوھگ ءِ روچ سئے شمبے ءَ گوں جوش ءُ جوزگ ءِ گوما برجم دارگ بیت، اے رد ءَ بنجاھی دارالحکومت اسلام آباد، چاریں صوبائی دارلحکومت ءُ آزات کشمیر ءُ گلگت بلتستان ءَ راجی سیرت کانفرنس ءِ بست ءُ بند کنگ بوتگ۔ کنونشن سنٹر اسلام آباد ءَ دو روچی میاں اوستمانی سیرت النبی کانفرنس ءِ بست ءُ بند کنگ بوتگ ایشی ءِ اندر ءَ مزن وزیر عمران خان گشتانک دنت۔ اے روچ ءَ سرجمیں ملک ءَ چھٹی کنگ بیت۔ مزن وزیر عمران خان ءِ پنت ءُ شون ءِ پد ءَ اے سال ءَ عید میلاد النبی ﷺ گوں جوش ءُ جوزگ ءِ گوما برجم دارگ بوھگ ءَ انت۔
