اسلام آباد۔17اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ ٹیل ءِ قیمت آنی تہ ءَ گیشی ءِ سر ءَ پروپیگنڈا بوھگ ءَ انت ، ھمے وڑ گوشے ما دگنیا ءَ دگہ سیارہ ءُ ستالے ءِ سر ءَ نشتگ آں، اگاں دگنیا ءَ ٹیل ، گیس ءِ قیمت برز بنت گڈا پاکستان ءَ ایشی ءِ قیمت برز ءُ گران بنت۔ یک شمبے ءِ روچ ءَ وتی ٹویٹ ءَ بنجاھی وزیر اھوالکاری ءَ گوشت کہ سرجمیں ملک سبسڈی ءِ سر ءَ چلئت نہ کنت، مرچی قیمت برز انت باندات کم بنت گڈا ادا ھم کم کنگ بیت۔ آئی ءَ گوشت کہ یک راجے ءِ رنگ ءَ یکجا باں ءُ مشکل آنی گوما دیم پہ دیمی کناں۔ بنجاھی وزیر ءَ گوشت کہ معاشی مشکل ادارُکی انت، انڈسٹری، کشت ءُکشار ءُ جوڑیشت ءِ شوبگ تاریخی سیت کٹگ ءَ انت۔ آئی ءَ گوشت کہ پگار گروکیں مردم مشکل آنی تہ ءَ انت، پرائیویٹ سیکٹر وتی ورکرز آنی پگار آنی تہ ءَ گیشی بکن انت، آمدنی ءُ روزگار ءِ گیشی مہنگائی ءِ پروش انت۔
