ملتان۔17اکتوبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ چاگرد ءَ آشوبی مٹ ءُ بدلی ءِ واستہ المی انت کہ ما سیرت النبی ﷺ ءُ اسوہ حسنہ ءَ گوں ورنا آناں پجاروکی بکنائین آں، نبی کریم ﷺ ءَ گوں محبت ءُ دوستی مئے ایمان ءِ المی ایں بھر انت۔ اے ھیالانی درشانی آئی ءَ یک شمبے ءِ روچ ءَ عشرہ شان رحمت اللعالمین ﷺ ءِ رد ءَ پولیس لائنز ملتان ءَ برجم داشتگیں سیرت النبی ﷺ کانفرنس ءَ گوں گشتانک دیان َ کت۔ اے موہ ءِ سر ءَ ریجنل پولیس اپسرگ ملتان سید خرم علی، کمشنر ملتان ڈاکٹر ارشاد احمد، ڈپٹی کمشنر عامر کریم خان ، سینیٹر عون عباس بپی، اسمبلی ءِ باسک احمد حسین ڈیہڑ، ملک عامر ڈوگر، محمد ندیم قریشی، نامدریں اسکالر پروفیسر مظہر سعید کاظمی، قاری محمد حنیف جالندھری، سٹی پولیس اپسرگ منیر مسعود مارتھ، ایس ایس پی انوسٹی گیشن محمد عامر خان نیازی ءُ ایندگر اپسرگ ھم ساڑی اتنت۔
