اسلام آباد۔17اکتوبر (اے پی پی): مزن وزیر ءِ ھاسیں کمکار برائے چاگردی رکھینگ ءُ گریبی ءِ ھلاپ کنوک ڈاکٹر ثانیہ نشتر ءَ گوشت کہ چاگردی رکھینگ استیں حکومت ءِ اولی کار آنی تہءَ ھوار انت، احساس ریڑھی بان منصوبگ ءَ زالبول ءُ شی میل آنی ھاسیں کوٹہ است، ایشی ءِ مول ءُ مراد جوانیں کاروباری کمک پجاری کنگ انت۔ یک شمبے ءِ روچ ءَ اے پی پی ءَ را ھاسیں گلگدارے دیان ءَ آئی ءَ گوشت کہ احساس ریڑھی بان منصوبگ دیمروئی ءِ واستہ سک باز ارزشتی انت ءُ اے پروگرام بنجاھی دارالحکومت جی ایٹ، جی ٹین ءُ جی الیون سیکٹرز ءَ بندات کنگ بوھگ ءَ انت۔ آئی ءَ گوشت کہ اے سیکٹرز آنی بنجاھی ءَ گریب ءُ بزگر آناں لائسنس ءُ کاروبار ءِ واستہ نوکیں ریڑھی پجاری کنگ بیت، اے رد ءَ یک ٹوھیں سروے کنگ بیت۔ ھاسیں کمکار ءَ گوشت کہ اے پروگرسام ءِ مول ءُ مراد آوانی کمک ءُ رکھینگ انت۔ آئی ءَ گوشت کہ اے منصوبگ ءَ را سرجمیں شہر ءَ شنگ ءُ تالان کنگ بیت ءُ ابید شپارس ءَ چہ اے آسراتی ساپ ءُ سلہ ئی ءِ گوما لس مردم ءَ را پجاری کنگ بیت۔
