لاہور۔17اکتوبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ اپوزیشن ءِ سر ءَ زور پر دات کہ آ گیر ضلوریگیں ایشوز آنی سر ءَ گپ ءِ مٹ ءَ گچین کاری گہتری کار آں ھوار ارزشتی ایں راجی جیڈھ آنی سر ءَ دلگوشی بدینت۔ حکومت ملک ءَ انچیں گہتری کار کنگ لوٹ ایت کہ ایشی ءَ چہ پد الیکشن ءِ آسر توامیں مردم آنی واستہ لائک ءِ ستا ءُ منگ بہ بنت، نیب آرڈیننس ءِ ھوالگ ءَ اپوزیشن ءَ گوں رابطہ کنگ بیت، اپوزیشن اے آرڈیننس ءِ تہ ءَ اگاں مٹ ءُ بدلی کنگ لوٹ ایت گڈا بکنت۔ ھما مٹ ءُ بدلی کہ حکومت ءُ اپوزیشن وت مہ وت تپاک بہ بنت، اے بل ءِ تہ ءَ ھوار کنائینگ بنت۔ آ یک شمبے ءِ روچ ءَ ادا ھندی ہوٹل ءَ سر وزیر پنجاپ ءِ پیسریگیں مشیر ءُ سیاسی ءُ چاگردی سروک محمد اکرم چوہدری ءِ نیمگ ءَ کتگیں وش اتک ءَ کلانہ ایں اھوالکار ءُ ندکار آں گوں تران کنگ ءَ اَت۔ اے موہ ءِ سر ءَ سر وزیر پنجاپ ءِ مشیر برائے اھوالکاری حسان خاور ھم ساڑی ات۔
