اسلام آباد۔17اکتوبر (اے پی پی):وزیر مملکت اھوالکاری ءُ شنگ کاری فرخ حبیب ءَ گوشتگ کہ بلاول زرداری حکومت ءِ ھلاپ ءَ تحریک چلائینگ ءِ مٹ ءَ سندھ ءِ الس آنی واستہ کمو کار بکنت، 13 سال آں چہ سندھ ءِ الس آئی دست ءَ رد کپتگ انت، سندھ ءَ گریبی، بے روزگاری سک باز انت، پیپلز پارٹی ءَ مدام نگن گُد ءُ گس ءِ نھردگ جتگ ءُ دزئی کتگ ءُ دروگیں اکاونٹ جوڑ کتگ ، کراچی ءَ ھوار سرجمیں سندھ ءَ مرچی ھم 20 کلو آرت ءِ تھیلا ءِ 1400 ءَ چہ 1500 کلدار ءَ رسگ ءَ انت، حکومت نام ءِ اچ چیز گندگ نہ بیت۔ آئی ءَ گوشت کہ پیپلز پارٹی ءَ کراچی ءِ الس آناں ٹینکر والا، گران بھا کنوک ءُ امبار آں چیر دیوک آنی دست داتگ، مرچی پاکستان ڈنی وام آنی چیر ءَ چیر تراتگ ایشی زمہ واری پیپلز پارٹی ءُ ن لیگ ایگ انت۔ پٹرول سرجمیں دگنیا ءَ گران بوتگ۔ مزن وزیر عمران خان ءِ ساپ ءُ سلہ ایں پنت ءُ شون انت کہ الس ءَ را گیشاں چہ گیش ریلیف پجاری بہ بیت۔
