اسلام آباد۔16اکتوبر (اے پی پی): مزن وزیر عمران خان ءَ گوشتگ کہ پاکستان ءِ تاریخ ءَ اولی رند ءَ عیدمیلاد ﷺ ءِ جشن گوں جوانی ءَ برجم دارگ بیت ایشی ءِ اندر ءَ سرجمیں راج بھر زوری کنت، ربیع الاول ھما مبارکیں ماہ انت کہ ایشی ءِ اندر ءَ نبی کریم ﷺ دگنیا ءَ اتکگ اے برکت آںی ماہ انت ، ایش ھما ماہ انت انت کہ اللہ پاک ءَ وتی دوست ﷺ ءَ را اے دگنیا ءَ روان داتگ بوتگ۔ شمبے ءِ روچ ءَ عیدملاد النبی ﷺ ءِ بابت ءَ وتی ھاسیں کلوہ ءَ مزن وزیر عمران خان ءَ گوشت کہ اللہ پاک ءَ وتی حبیب واجہ محمد ﷺ ءَ را رحمت اللعالمین ءِ ھاسیں بستار داتگ۔ نبی کریم ﷺ دگنیا ءِ تاریخ ءَ درستاں چہ مستریں لیڈر انت۔ آئی ءَ گوشت کہ لیڈر ءِ درستاں چہ مستریں ھاسیت ایش انت کہ آ مردم آناں یکجا کنت۔
