اسلام آباد۔16اکتوبر (اے پی پی):مزن وزیر عمران خان ءِ سروکی ءَ پاکستان تحریک انصاف ءِ حکومت ساپ ءُ سلہ ایں پٹ ءُ پول ءُ کیاسگری ءِ واستہ جزمینگ انت، شوگر کمیشن ءِ پوٹ ءِ رد ءَ ایف بی آر ءَ شکر جوڑ کنوکیں کارخانہ آنی پنچ سالی آڈٹ ءَ چہ 619 ارب کلدار ریکور کتگ وھدیکہ “مسابقتی کمیشن ” شوگر مافیا ءِ کارٹلائزیشن ءِ ھلاپ ءَ کاروائی کنان ءَ 44 کلدار ءُ سٹے باز آں چہ جرمانہ جنگ ءِ رد ءَ 13.8 ارب کلدار ریکور کتگ، مزن وزیر ءِ وژن انت کہ کجام ھم جیڈھ پٹ ءُ پول ءِ واستہ ساپ ءُ سلہ ءَ تپاسی دل یکیمی بہ بیت۔ مزن وزیر ءِ مشیر برائے تہی کار ءُ کیاسگری شہزاد اکبر ءَ شمبے ء روچ ءَ ادا پریس کانفرنس ءَ گوں گشتانک دیان ءَ گوشت کہ مزن وزیر کجام ھم کرپشن ءِ کیاسگری ءِ واستہ تل پچیں پٹ ءُ پول ءِ واستہ دل یکیمی دار ایت تانکہ ساپ ءُ سلہ ئی ءَ کیاسگری ءُ پٹ ءُ پول بہ بیت۔
