اسلام آباد۔16اکتوبر (اے پی پی):پاک فضائیہ ءَ ایئر چیف مارشل (ریٹائرڈ) فاروق فیروز خان ھدا مرزی ءِ زندمان ءِ ھوالگ ءَ لُکیں ڈاکیومنٹری تامر ءِ جاڑی کتگ آ 10 اکتوبر ءَ اسلام آباد ءَ دل ءِ ھرکت ءِ بند بوھگ ءِ سبب ءَ بیران بوتگ۔ آ 17 اگست 1939 ءَ پیداک بوتگ ءُ پی اے ایف پبلک سکول سرگودھا ءَ سینیئر کیمبرج سرجم کنگ ءَ پد پاک فضائیہ ءَ ھوار بوتگ ءُ امریکی فضائیہ ءِ اکیڈمی ءَ ھیل کاری ءِ واستہ گچین کنگ بوتگ۔ آ سئے سال ءَ تاں متحدہ عرب امارات ءِ فضائیہ ءَ فائٹر ونگ ءِ کمان کنگ ءِ شرپ گون بوتگ۔ آئی ءَ 1965 ءُ 1971 ءِ دوئیں جنگ آنی تہ ءَ بھر زوری کتگ ءُ گوں مزن جگری ءَ جنگ کنگ ءِ پد ءَ آئی ءَ را ستارہ بسالت ءِ داد دیگ بوتگ۔ آ ماچ 1991 ءَ تاں نومبر 1994 ءَ تاں پاک فضائیہ ءِ سروک ءِ رد ءَ ازمت پیلو کتگ انت۔ ایشی ءَ ابید 1994 ءَ بگر تاں نومبر 1997 ءَ تاں پاکستان ءِ سلاھ بندیں ارد آں چیئرمین جوائنٹ چیف آف سٹاف کمیٹی ءِ پوسٹ بوتگ۔ پاک فضائیہ ءَ جوانیں ازمت آنی پد ءَ نشان امتیاز ملٹری، ہلال امتیاز ملٹری ءُ ستارہ امتیاز ملٹری ءِ داد رستگ۔
