فیصل آباد ۔16اکتوبر (اے پی پی):وزیر مملکت اھوالکاری ءُ شنگ کاری فرخ حبیب ءَ گوشت کہ مارا سیرت طیبہ ﷺ ءِ سر ءَ عمل کنان ءَ دیم ءَ جنزگی انت ءُ ھمے رنگ ءَ مدینہ ءِ ریاست جوڑ کنگی انت، ھمے رنگ ءَ مئے چاگرد ءِ توامیں تبک ءِ ھک آنی ھیال دارگ بیت۔ حکومت سرکاری تک ءَ اے دئیں روچاں رحمت اللعالمین ءِ شرپ ءَ برجم دارگ ءَ انت نوکیں باھند سیرت النبیﷺ ءَ بندوک بہ بنت ایشی ءِ بابت ءَ بہ وان انت ءُ بہ سکھ انت کہ ما چتور عدل ءُ انصاف والائیں چاگرد ءِ جوڑ کت کناں۔ شمبے ءِ روچ ءَ گورنمنٹ ماڈل ایم سی گرلز ہائر سیکنڈری سکول سمن آباد فیصل باد ءَ عشرہ شاہ رحمت اللعالمیں ءِ رد ءَ برجم داشتگیں دیوان ءَ گوں گشتانک دیان ءَ آئی ءَ گوشت کہ آئی ءِ واستہ اے پھر ءِ گپ انت۔ مرچی آ عشرہ شان رحمت اللعالمین ءِ پروگرام ءِ بھر ءُ ادا نشتگ ءُ درستیں عاشق رسول ءُ نبی کریم ﷺ ءِ زندمان ءَ سکھگ ءَ انت۔ آئی ءَ گوشت کہ سیرت النبی ﷺ یک سرجمیں زندمان ءِ نمونگ ات ھمے ھاترا حکومت سرکاری تک ءَ ایشرا برجم دارگ ءَ انت اے ضلوری انت کہ مئے نوکیں باھند سیرت النبی ءَ گوں بندوک بوتگ انت۔
