اسلام آباد۔ 15 اکتوبر (اے پی پی) وزیراعظم عمران خان جمعہ نادے آ پاکستان سٹیزن پورٹل نا رداٹ کشارگرآتیکن مخصوص’’بزغرپورٹل‘‘ نا بناءِ کرے۔ دا چرجوئی ٹی جمعہ نادے آ داڑے اسہ خاص ءُ دود اسے ٹی وزیراعظم بزغرپورٹل نا بناءِ کرے۔ داوخت آ وزیراعظم نا خصوصی کمکار نیشنل فوڈ سیکورٹی جمشید اقبال چیمہ ہم ساڑی ئسک۔ پاکستان سٹیزن پورٹل اٹی بزغرآتا ویل آتا ازالہ کن ہچ ءُ خاص ءُ کیٹگری اس ساڑی الوکہ ہرانا سوب آن اوفتا ویل آک تعلقدار ادارہ غاتسکان دادرسینگ کن سرمتورہ۔ وزیراعظم نا کشاری شونداری کن متعین ہدف آتا رداٹ بزغرآتا امداد و اوفتا ویل آتا اولیتی بنداو تیا ایسر ءِ ممکن کننگ کن بزغر پورٹل اہم ءُ کڑد اس ادا کیک۔ بزغر پورٹل نارداٹ بنجا و صوبائی کہول آ تعلقدار ادارہ غاتے ٹی کل 123 ڈیش بورڈ جوڑ کننگانے۔
