اسلام آباد۔ 15 اکتوبر (اے پی پی) وزیراعظم عمران خان اینو(جمعہ نادے آ) پاکستان سٹیزن پورٹل نا رداٹ کشارگرآتے کن خاص کر ’’بزغر پورٹل ‘‘ نا بناءِ کیک۔ وزیراعظم آفس نا میڈیا ونگ آن جاری بیان نا رداٹ داکان مست پاکستان سٹیزن پورٹل اٹ بزغرآتا ویل آتا ازالہ کن ہچ ءُ خاص ءُ کیٹگری اس الوکہ ہرانا سوب آن اوفتا ویل آک تعلقدار ادارہ غاتسکان دادرسینگ کن سرمننگ کتورہ۔ وزیراعظم نا کشاری شونداری کن متعین ہدف آتا رداٹ بزغرآتا امداد و اوفتا ویل آتے اولیتی بنداو تیا ایسر کننگ ءِ ممکن کننگ کن بزغرپورٹل اہم ءُ کڑد اس ادا کیک۔ بزغرپورٹل نا رداٹ بنجا و صوبائی کہول آ تعلقدار ادارہ غاتے ٹی کل 123 ڈیش بورڈ جوڑ کننگانے۔
