اسلام آباد۔ 15 اکتوبر (اے پی پی) ایوان صدر نا جامع مسجد آن نماز جمعہ و خطبہ ءِ براہ راست نشر کننگا۔ صدر مملکت ڈاکٹر عارف علوی ، بنجائی وزیر مذہبی امور پیر نور الحق قادری و ایوان صدر نا کمامدار وعملہ جمعہ نا نماز ءِ ادا کریر۔ داوخت آ بنجائی وزیر مذہبی امور پیر نور الحق قادری خطبہ تس۔ اوتینا خطبہ ٹی پارے کہ ساڑی حکومت نا کنڈآن ننا …
ایوان صدر نا جامع مسجداٹ نماز جمعہ و خطبہ ءِ براہ راست نشر کننگا
گیشتریں ھال
اسلام آباد۔ 15 اکتوبر (اے پی پی) ایوان صدر نا جامع مسجد آن نماز جمعہ و خطبہ ءِ براہ راست نشر کننگا۔ صدر مملکت ڈاکٹر عارف علوی ، بنجائی وزیر مذہبی امور پیر نور الحق قادری و ایوان صدر نا کمامدار وعملہ جمعہ نا نماز ءِ ادا کریر۔ داوخت آ بنجائی وزیر مذہبی امور پیر نور الحق قادری خطبہ تس۔ اوتینا خطبہ ٹی پارے کہ ساڑی حکومت نا کنڈآن ننا خواجہ حضرت محمد مصطفیٰ صلی اللہ علیہ و آلہ وسلم نا یوم ولادت باسعادت نا رداٹ عشرہ رحمت اللعالمین اڈتننگ انگ ءِ ہراڑآ ای مبارکبادی ایتیوہ۔ او خواجہ اکرم صلی اللہ علیہ و آلہ وسلم نا رحمت و اونا عمومیت، شمولیت و آفاقیت نا چندی پلو آتے تالان کرسا پارے کہ اللہ تعالیٰ آپ صلی اللہ علیہ و آلہ وسلم ءِ غٹ اکن سراپا رحمت کرسا مون تس، آپ صلی اللہ علیہ و آلہ وسلم نااسوہ حسنہ غٹ انسانیت کن کسرنا ڈیواءِ۔ داوخت آ ملک و قوم انا سلامتی ، شونداری و شونہالی کن دعا کننگا۔ یات سلے کہ صدر مملکت ڈاکٹر عارف علوی دابابت تینا اسہ بیان اسے ٹی پاریسس کہ الس نا راہشونی کن ایوان صدر آن ہرجمعہ آ 15 منٹ اکن گچین ترانکارآک خطبہ ایترہ۔
