اسلام آباد۔ 15 اکتوبر (اے پی پی) انفیکشن نا توننگ و کنٹرول کمیٹی نا اولیکو دیوان جمعہ نادے آ میریٹ ہوٹل اسلام آباد اٹی اڈ ہلک ہراٹی چندی ناجوڑی آتا تالانی ءِ توننگ نا بابت جاری کروک پارت و ایس او پی تا بابت گپ وتران کننگا۔ وزیراعظم نا خصوصی کمکار جان جوڑی ڈاکٹر فیصل سلطان ہم دیوان اٹی ساڑی ئسک۔ ڈاکٹر فیصل سلطان پارے کہ کورونا دین انا حالیت آتیان سبخ اس ہلسا بنجائی وزارت جان جوڑی آخبت اٹ ایلو ناجوڑی تا تالانی ءِ توننگ کن نظام ءِ سوگو کننگ ءِ۔ ڈاکٹر فیصل سلطان پارے کہ حکومت ہیلتھ کیئر ورکرآتا تربیت و غٹ صوبہ غاتا نیام اٹ ہم آہنگی ءِ پک کیک۔ اومستی پارے کہ جان جوڑی آ خڑچ کننگ ملک انا آخبت کن زرکاری ءِ۔
