کیپٹن (ر) صفدر نا برخلاف کارسرکاراٹی نیام تمنگ نا مقدمہ نا سماعت 20 نومبر اسکان ملتوی

لاہور۔ 15 اکتوبر (اے پی پی) لاہور نا ضلع کچہری ٹی ہندی جوڈیشل عدالت اشتعال انگیز تقریر کننگ و کارسرکار اٹی نیام تمنگ نا دوبہ ٹی درج مقدمہ ٹی مسلم لیگ ن نا راہشون نواز شریف نا سالم کیپٹن (ر) صفدر و لیگی راہشون جہانزیب اعوان نا برخلاف کیس انا سماعت ءِ 20 نومبر اسکان پد بٹسا بروک آ سماعت آ دوبہ دار آتے فرد جرم نا کارروائی کن بٹنگا۔ جوڈیشل مجسٹریٹ بلال منیر کیس انا سماعت ءِ کرے۔ جمعہ نادے آ سماعت آ عدالتی پرمان آ کیپٹن (ر) صفدر و جہانزیب اعوان عدالت اٹ پیش مسر و تینا حاضری ءِ پورو کرفیر۔ عدالت کیس انا سماعت ءِ 20 نومبر اسکان پدبٹے۔ کیٹپن صفدر و اونا سنگت لیگی راہشون جہانزیب اعوان نا برخلاف اشتعال انگیز تقریر و کارسرکار اٹی نیام تمنگ نا مقدمہ پولیس تھانہ اسلام پورہ ٹی 19/1275نا رداٹ درج ءِ۔ پولیس نا کنڈآن مقدمہ نا چالان جمع کرفنگانے وخت اس کہ دوبہ دارآک ضمانت آٹی ءُ۔