اقوام متحدہ۔ 15 اکتوبر (اے پی پی) پاکستان انسانی شونداری و جہانی انسانی حق انا دوئی کننگ کن شونداری نا حق انا فعالیت نا خواست کرسا پارینے کہ داڑآن کورونا دین انا سوب مرتب مروک آ تباہ کن اثرآتیان گچین وڑٹ پیش تمنگ ممکن مریک بلکن دا حق خودارادیت نا حق انا دوئی کننگ کن ہم زیل و سُوآنبار ءِ۔ اقوام متحدہ ٹی پاکستان نا نائب آخبتی نمائندہ عامر خان راجی، دودوربیدگی و انسانی ویل آتا بابت امور کن کاریم کروک آ قوام متحدہ نا جنرل اسمبلی نا مسٹ میکو کمیٹی ٹی اقوام متحدہ نا جہانی کہول آ جان جوڑی ٹی گچینی و پائیدار شونداری ءِ مون آ دننگ نا چرجوئی ٹی صنفی بریبری ءِ مون آ دننگ نا مینڈیٹ آ کاریم کروک آ انٹرایجنسی جینڈر ورکنگ پڑک نا چیئرپرسن ضمیر اکرم تون گپ وتران اٹی پارے کہ شونداری نا حق پائیدار شونداری نا بنداوی اصول ءِ وخت اس کہ دا غٹ مخلوق نا حق خودارادیت نا دوئی کننگ کن ہم زیل و سُوآنبار ءِ۔ اوپارے کہ نن سمجھنہ کہ درملکی کوزہ ٹی مروک آ مخلوق دُن کہ جموں و کشمیر تون اوار غٹ مخلوق ءِ آزادانہ وڑاٹ حق دوئی ءِ کہ او تینا سیاسی حیثیت نا تعین ءِ کیر و آزادانہ وڑاٹ تینا شونداری نا حق انا دوئی کننگ نا ادراک ءِ کیر۔ عامر خان پارے کہ شونداری نا حق انا اعلامیہ ٹی جہانی یکجہتی و کمکاری نا اصول آتا خاکہ ءِ پیش کننگاہراڑآ جہانی برادری نا کنڈآن کروک آ قول آتیا عملدرآمد آ عملدرآمد ءِ پک کننگ نا گرج ءِ۔ اوآئی جی ڈبلیو جی نا چیئرپرسن نا شونداری نا حق آ کانود سازی نا مسودہ تیار کننگ نا گام انا ستاءِ کرے ہرا ریاست آتے بیوس کیک کہ او ملک آتے ٹی و ملک گیر نیزگاری ، بے بریبری ، موسمیاتی بدلی، نوآبادیات، نوآبادکاری ، جبری ہمپنگ ، نسل پرستی ، جھیڑہ، جارحیت و قومی وتواجہی ءِ مون تروک خطرہ، قومی سیوت و علاقائی سالمیت و ایلو انسانی حق آتیان انکار تون اوار دنیا ٹی مون تروک لکھ آ چیلنج آتون مون تننگ کن گام گیج کیر۔ اوپارے کہ نن آئی جی ڈبلیو جی ٹی کانود سازی آ مذاکرات نا ستاءِ کینہ و گپ وتران اٹی پدریسہ تعمیری بشخ ہلینہ۔ پاکستان نا مسکوہی سفیر و شونداری نا حق اکن انٹرایجنسی جینڈر ورکنگ پڑک نا چیئرپرسن ضمیر اکرم پارے کہ شونداری نا حق انا ادراک کن عالمگیر و ناقابل تنسیخ انسانی حق انا وڑاٹ گام گیج کننگ نا گرج ءِ و دا چرجوئی ٹی حق انا دوئی کننگ ءِ پک کننگ کن کانود سازی اہم ءُ کڑد اس ادا کننگ کیک۔
