اسلام آباد۔ 15 اکتوبر(اے پی پی) ترجمان ایف بی آر اسد طاہر جپہ پارینے کہ اینخو مالی سال اٹی داتم اسکان 24 لکھ 75 ہزار خراج گوشوارہ جمع مسنے و 47.4 ارب روپئی نا خراج ادائیگی گوشوارہ غاتون مسنے۔ جمعہ نادے آ ایف بی آر نا کنڈآن بیان اٹی پاننگانے کہ تدوک آ سال داتاریخ اسکان 5 لکھ 13 ہزار گوشوارہ جمع مسوسس و داگوشوارہ غاتون 9.8 ارب روپئی نا خراج ادا کننگاسس وخت اس کہ اینخو سال داتم اسکان جمع کروک آ گوشوارہ غاتا کچ 24 لکھ 75 ہزار ءِ و گوشوارہ غاتون ادا مروک آ خراج نا کچ 48.4 ارب روپئی ءِ۔ ترجمان اسہ وار ولدا الس آن خواست کرینے کہ سالانہ انکم خراج گوشوارہ جمع کرفنگ نا اینو جمعہ نا نن 12 اسکان نا وخت ءِ ہراٹی پین ودکی ناممکن ءِ۔ خراج گزار آتا آسراتی کن ایف بی آر دفترآک نن نا 12 بجہ و نیشنل بینک نن نا 8 بجہ اسکان ملنگوک ءُ۔
