کابل۔ 15 اکتوبر (اے پی پی) اوغانستان نا شار قندھار اٹی مسیت اسے ٹی دھماکہ ٹی 16 بندغ زوال و 32 ٹھپی مسنو۔ فرانسیسی خبررساں ادارہ نا رداٹ صوبہ قندھار اٹی جمعہ آ مسیت اسے ٹی دھماکہ مس ہراٹی 16 بندغ زوال و 32 ٹھپی مسنو ہرافتے قندھار شار انا میرویس ہسپتال آ گدریفنگانے۔ طالبان حکومت نا وزارت داخلہ نا ترجمان قاری سعید خوستی پارے کہ زوال و ٹھپی مروک آتا کچ اٹی ودکی نا گڑتی ءِ۔ اوپارے کہ دھماکہ نا سرجم آتے دوئی کننگ انگ ءِ۔ دمدستی وڑاٹ دھماکہ نا سوب پیدوار مننگ کتنے۔
