کوئٹہ۔ 15 اکتوبر (اے پی پی) بلوچستان نا ضلع ژوب اٹی جان جوڑی رکھ انا اصول آتا خلاف ورزی و الس ءِ بے آب اٹ خور انا بہاکننگ آ 21 ہند آتیا جرمانہ بیٹ کننگانے۔ دابابت بلوچستان فوڈ اتھارٹی زونل فوڈ سیفٹی نا ڈائریکٹر شراف الدین پارینے کہ ضلع ژوب اٹی 21 ہند آتا 7 جنرل اسٹور آتا برخلاف ممنوعہ کوکنگ آئل و چائنیز نمک نا بہا کننگ و میعاد آن زیات گڑادوئی مننگ، 4 میٹ شاپ آتا برخلاف ایس او پی تا خلاف ورزی، دوکان تیٹی گندگی و سُو تے پیشن آ درنجنگ و کچٹ آ ازباب آتا کاریم اٹ اتنگ، 3 کولڈ ڈرنک کارنرآتیان زیات میعاد شربت، 3 ملک شاپ آتے ٹی اوار سوار پال، 2 ہوٹل آتیٹی باسی کُن و خور بہا کننگ و اسہ نان شاپ اسے ٹی سفائی نا ہیبدار حالیت و اسہ بیکری سے آن زیات معیاد نا گڑاد وئی مننگ آ جرمانہ بیٹ کننگا۔ داکان بیدس بی ایف اے زونل فوڈسیفٹی ٹیم ہند آتیان دوئی مروک آ ممنوعہ ، باسی و زیات معیاد گڑاتے ضبط کرے وخت اس کہ متفرق کنوئی آ گڑاتا 15 آن زیات ہند آتے وارننگ نوٹس ہم جاری کننگا۔
