ابوجا۔ 15 اکتوبر (اے پی پی) نائیجیریا نا قطبی علاقہ غاتے ٹی سیکورٹی فورس آتا سلہہ بند بندغ آتا برخلاف کارروائی تیٹی 45 بندغ زوال و 60 بندغ ءِ دزگیر کننگا۔ چینی خبررساں ادارہ نا رداٹ فوج انا ترجمان برنارڈاونیوکو دارالحکومت ابوجاٹی پریس حوال اٹی پارے کہ تدوک آ 2 ہفتہ ٹی نائیجیریا نا قطب دیکی و قطب نیامی علاقہ غاتے ٹی سیکورٹی فورس آرتا کارروائی تیٹی 60 سلہہ بند بندغ ءِ دزگیر کننگا۔ اوپارے کہ ریاست کدونا نا علاقہ برنین گواری جنرل نا کواگاجنگل اٹ آپریشن اٹی سلہہ بند بندغ آتا چندی اودیم ٹھکانہ غاتے بھس کننگا وخت اس کہ ملک انا قطبی علاقہ غاتے ٹی عسکریت پسند، داڑیل و برمتہ کار آتا برخلاف کارروائی تیٹی 5 داڑیل خلنگار و داوخت آ 4 مغوی شاری تے ہم بازیاب کننگا۔
