اسلام آباد۔14اکتوبر (اے پی پی): مزن وزیر عمران خان ءَ گوشت کہ بلوچستان ءِ دیمروئی حکومت ءِ اولی کار آنی تہ ءَ ھوار انت، حکومت بلوچ ورنا آنی دیمروئی گامگیج آنی تہ ءَ ھوار کنگ ءِ واستہ اول سرئی کار آںی رد ءَ گامگیج کنگ ءَ انت۔ اے ھیالانی درشانی آئی ءَ سر وزیر بلوچستان جام کمال ءَ گوں تران کنان ءَ کت۔ آئی ءَ پن شمبے ءِ روچ ءَ مزن وزیر ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ را بلوچستان پیکیج ءِ چیر دستی ءَ دیمروئی منصوبگ آنی بابت ءَ سرپد کنگ بوت۔ مزن وزیر عمران خان ءَ گوشت کہ بلوچستان ءِ دیمروئی حکومت ءِ اولی ترجی داتگیں کار آںی تہ ءَ ھوار انت، حکومت ءَ بلوچستان ءِ واستہ تاریخی پیکیج ءِ جار جت۔ آئی ءَ گوشت کہ بلوچستان ءِ لس مہلوکی ھاٹیگ ملک ءِ اسلیں مڈی انت، حکومت بلوچ ورنا آناں راجی ھمگامی ءَ گوں ھوار کنگ ءِ واستہ ترجی داتگیں بنیات ءَ گامگیج کنگ ءَ انت۔
