لاہور۔14اکتوبر (اے پی پی):گور نر پنجاب چوہدری محمدسرور ءَ گوں یورپی پارلیمنٹ بنی آدمی ھک آنی پھریزوکیں کمیٹی ءِ چیئرپرسن ماریہ ارینا ءُ یورپی پارلیمنٹ ڈیفنس اینڈ سیکورٹی فارن افیئرز کمیٹی ءِ باسک یاوئیر ناٹ ءَ ھوار 15 ءَ چہ گیش یورپی پارلمینٹ ءِ باسک آں گوں گند ءُ نند کت۔ یورپی پارلیمنٹ ءِ جی ایس پلس سٹیٹس ءَ شاھیگانی ءِ واستہ پاکستان ءَ را سرجمیں کمک ءِ دل یکیمی کنائینت۔ گورنر پنجاپ چوہدری محمد سرور ءَ پنچ شمبے ءِ روچ ءَ دو روچی یورپ ءِ تر ءُ تاب ءِ ساھت ءَ برسلز ءَ فرانس ءِ یورپی باسک ہرویوون، ورجنی یورون ، یانان ءَ چہ یورپی پارلیمنٹ ءِ باسک ایمانیوئل فریگوس، فرانس ءَ چہ ممبر یورپی پارلیمنٹ برنارڈ گوئٹا، سپین ءَ چہ ممبر یورپی پارلیمنٹ جورڈی سول ءُ پولینڈ ءَ چہ یورپی باسک وٹولڈ ءَ ھوار ایندگر آں گند ءُ نند کت۔ ایشی ءِ اندر ءَ جی ایس پلس یورپی پارلیمنٹ وٹولڈ ءَ ھوار ایندگر آں گند ءُ نند کت۔
